Eron firmasi O‘zbekistonda yangi fabrika qurishga 20 mln yevro ajratadi

Eronning Zarin Taj Mahan Industry Group firmasi O‘zbekistonda eshilgan ip ishlab chiqarishni tashkil etish uchun 20 million yevro yo‘naltiradi. Bu haqda «O‘zbekiston 24» telekanalining «Tahlilnoma» dasturida xabar berildi, deb yozmoqda Spot.

Xabar qilinishicha, kompaniya Qashqadaryo viloyatida kunlik hajmi 24 tonna bo‘lgan, eshilgan ip ishlab chiqarish bo‘yicha fabrika qurishni rejalashtirmoqda. Bunga 20 million yevro sarmoya kiritish mo‘ljallangan.

Loyihani amalga oshirish mahalliy aholi uchun 500ga yaqin yangi ish o‘rni yaratishni o‘z ichiga oladi.