Ship 40'ning sayohati 24-iyulda boshlangan: Starship transport tizimi SpaceX’ning Texasdagi kosmodromidan uchirilgan.
Parvozning asosiy vazifalarini bajargach, apparat boshqariladigan tarzda atmosferaga qayta kirgan va Hind okeaniga qoʻngan. Biroq kutilganidek parchalanib yoki tezda choʻkib ketmagan - u suv yuzasida qolib, oqim boʻylab siljishda davom etgan.
SpaceX apparatni qaytarishga qaror qildi
Kosmik parvoz va suvga qoʻnishdan keyin saqlanib qolgan apparat kompaniya uchun qoʻshimcha oʻrganish imkoniyatini yaratgan. SpaceX uni quruqlikka qaytarishga qaror qilgan.
Muhandislar Ship 40'ni tekshirish orqali uning konstruksiyasi atmosferaga qaytish va okeanga qoʻnish jarayonlarini qanday oʻtkazganini batafsil oʻrganishi mumkin.
Kosmik kemani dengiz kemasi tashidi
Ship 40 yarim choʻkuvchi Forte ogʻir yuk tashuvchi kemasiga ortilgan. Bunday kema yuk olish vaqtida palubasini qisman suv ostiga tushiradi. Yuk paluba ustiga keltirilgach, kema yana koʻtarilib, uni suvdan chiqaradi.
Forte apparatni Hind okeani orqali olib oʻtib, Afrikani aylanib oʻtgan va Atlantika okeani orqali Texasga yetkazgan.
24-iyuldagi parvozdan 7-oktabrda Braunsvill portiga qaytishgacha taxminan 75 kun oʻtgan. Bu muddat apparatning okeanda qolishi, uni olib chiqish va dengiz orqali tashish jarayonlarini qamrab oladi.
Ship 40 portdan SpaceX’ning Starbase - «Yulduzli baza» majmuasiga olib boriladi. U yerda apparat parvozdan keyingi tekshiruvlardan oʻtkaziladi.
