GoPro AQSh uchun mo‘ljallangan kameralar ishlab chiqarishni Xitoydan ko‘chiradi

Amerikaning GoPro kompaniyasi AQSh uchun mo‘ljallangan texnika ishlab chiqarishning katta qismini Xitoydan ko‘chirishni rejalashtirmoqda. Bu haqda GoPro saytidagi matbuot uchun xabarnomada aytilgan.

Ta'kidlanishicha, kameralar ishlab chiqaruvchisi yangi savdo bojlari tufayli shunday qadamga bordi.

- Bugungi geosiyosiy biznes-muhit moslashuvchanlikni talab qiladi, biz bojlar bilan bog‘liq savollarga faol javob berishga qaror qildik: AQSh uchun mo‘ljallangan kameralarni ishlab chiqarish Xitoydan ko‘chiriladi», - dedi kompaniya moliyaviy direktori Brayan Makgi.

Ko‘chirish ishlari 2019 yilning o‘rtalariga mo‘ljallangan. Portativ videokameralar ishlab chiqariladigan yangi joy haqida xabar berilmadi.