Turkiyada Anqaradan Ko‘nyaga yo‘l olgan tezyurar poyezd lokomotiv bilan to‘qnashib ketdi. Mamlakat Transport vazirligi xabariga ko‘ra, poyezdning ikkita vagoni relslardan chiqqan. Shuningdek, yer usti o‘tish joyi quladi.
So‘nggi ma'lumotlariga ko‘ra, Anqaradagi poyezd halokatida yetti kishi halok bo‘lgan, deb xabar qilmoqda NTV telekanali. Hayotdan ko‘z yumganlar orasida bir mashinist va olti nafar yo‘lovchi bor.
Ta'kidlanishicha, 46 kishi jarohat olgan, ulardan uch nafari og‘ir ahvolda ekani aytiladi.
Mamlakat prokuraturasi ushbu hodisa yuzasidan surishtiruv ishlarini boshladi.
