Foto: Priyanka Parashar/Mint
Interpol Hindistondan qochib ketgan milliarder Mexul Choksini hibsga olish to‘g‘risida order berdi. U Panjob milliy bankidan firibgarlik yo‘li bilan 2 milliard dollardan ortiq pulni o‘zlashtirganlikda gumonlanmoqda. Bu haqda The Times of India gazetasi xabar qildi.
Mexul Choksi va uning jiyani Nirav Modi Hindiston markaziy qidiruv byurosi tomonidan qidiruvga berilgan.
Hindiston tarixidagi bu eng yirik firibgarlik ishi haqida 2017 yil oxirida ma'lum bo‘lgandi. Shu yilning yanvarida Choksi yaqin qarindoshlari bilan Hindistondan chiqib ketgan. Ularning qayerda ekanliklari noma'lum.
