Ukraina o‘zining mustaqil pravoslav cherkovini tashkil etdi

Foto: Ukraina Prezidenti matbuot xizmati

Ukraina o‘zining mustaqil pravoslav cherkovini tashkil etdi. Bu haqda mamlakat prezidenti Pyotr Poroshenko e'lon qildi.

“Bu (Vladimir) Putinsiz cherkov. Bu (patriarx) Kirillsiz cherkov. Bu ukrainaliklarni o‘ldirayotgan Rossiya hukumati va Rossiya qo‘shinlari uchun duo qilinmaydigan cherkov. Ammo bu cherkov Xudo va Ukraina bilan!”, deya Poroshenkoning so‘zlaridan iqtibos keltirdi “112” telekanali.

39 yoshli mitropolit Yepifaniy cherkov rahbari etib saylandi hamda Kiyev va butun Ukraina mitropoliti maqomini oldi.

Rossiya pravoslav cherkovi Ukrainada Moskvadan mustaqil cherkov tashkil etilishiga qarshi chiqib kelayotgandi.