Putinning vakolatlari kengaydi

Rossiya Davlat dumasi uchinchi, oxirgi o‘qishda Rossiya Federatsiyasi prezidentiga soddalashtirilgan sxemada mamlakat fuqaroligini olish uchun nomzodlarni aniqlash huquqini beruvchi hukumat qonun loyihasini qabul qildi. Bu haqda TASS xabar bermoqda.

Izohda ta'kidlanishicha, bu tashabbus gumanitar xususiyatga ega. Rossiya fuqaroligini tezlashtirilgan holda murakkab ijtimoiy-siyosiy va iqtisodiy vaziyatga ega mamlakatlarda, shuningdek, harbiy mojarolar hududida yashovchi shaxslar olishi mumkin. Xususan, qonun loyihasi bilan Ukraina fuqarolari va rus vatandoshlarining Rossiyaga ko‘chirilishi osonlashadi.

Yangi soddalashtirilgan tartibga ko‘ra, prezident tomonidan tanlangan chet elliklar guruhi rus tilini bilishini tasdiqlamagan va Rossiyada yashash joyi bo‘yicha ro‘yxatdan o‘tgan holda besh yil davomida yashamagan holda ham Rossiya pasportini olishi mumkin. Bundan tashqari, ayrim toifalar mavjud bo‘lgan boshqa fuqarolikdan chiqish shartidan ozod qilinadi.

Eslatib o‘tamiz, avvalroq Kanada bosh vaziri Jastin Tryudo Putinga bir so‘z bilan ta'rif bergandi.