«Soliq ma'murçiligidagi byurokratik tösiqlar eksportyorlar faoliyatiga salbiy ta'sir körsatmoqda». Prezident soliq siyosati böyiça yiğiliş ötkazdi

Şu örinda, nima uçun umumbelgilangan soliq tölovçilari sonini köpaytirişga qaror qilindi, degan tabiiy savol tuğiladi.

Çunki yagona soliq tölovçi bilan umumbelgilangan soliq tölovçilar örtasida soliq yukidagi farq haddan taşqari yuqori bölib, bu kiçik biznesning yiriklaşuvini rağbatlantirmaydi. Dunyoga maşhur «Adidas», «Nike», «Indesit», «Knauf» kabi brendlar öz vaqtida kiçik oilaviy korxona bölgan va uşbu rağbat tufayli yirik kompaniyalarga aylangan.

Şular haqda fikr yuritar ekan, prezident «Özbekistonda qaçon şunday yirik brendlarga ega bölamiz?», deya savol qöydi. 

Umumbelgilangan soliqlarni hisoblaş böyiça hududiy soliq organlari xodimlarining malakasi va amaliy könikmalarini oşiriş, tadbirkorlik sub'yektlari buxgalterlarini bunga tayyorlaş kerakligi ta'kidlandi. 

Soliq organlari xodimlarini biriktirib, umumbelgilangan soliq töloviga ötayotgan korxonalarda tuşuntiriş olib boriş, ularga amaliy yordam körsatiş böyiça topşiriq berildi. Yirik aksiyadorlik jamiyatlari va xöjalik birlaşmalari Davlat soliq qömitasi mutaxassislari bilan birgalikda öz tasarrufidagi korxonalarning mas'ul xodimlari uçun seminar-treninglar ötkazişi zarurligi qayd etildi.

«Umumbelgilangan soliq hisoblanişi va yuritilişida eng murakkab tölov turi bu qöşilgan qiymat soliğidir. Bu borada yengillik yaratiş uçun uni ikki yil mobaynida bosqiçma-bosqiç joriy etişni rejalaştirganmiz», – degan Şavkat Mirziyoyev.

Jumladan, tovar aylanmasi 1 milliard sömdan 3 milliard sömgaça bölgan korxonalar qöşilgan qiymat soliğini ixtiyoriy ravişda soddalaştirilgan tartibda tölaydi.

Ya'ni, korxonalar sotib olingan tovarlar böyiça alohida hisob-faktura yuritmaydi va soliqni tovar aylanmasidan kelib çiqib, sohalar kesimida tabaqalaşgan holda tölaydi. 

Yiğilişda bu işlarni töğri taşkil etiş uçun zamonaviy axborot texnologiyalarini joriy etiş, yuridik şaxslarni zarur kompyuter dasturlari bilan ta'minlaş, hisobçilarni tayyorlaş böyiça körsatmalar berildi. 

Soliq tölovçilar yuzaga keladigan barça tuşunmovçiliklarga javob topişi uçun «Savol va javob» internet sahifasini hamda keçayu kunduz işlaydigan «Koll sentr»lar faoliyatini yölga qöyiş zarurligi ta'kidlandi. 

Davlat rahbari qöşilgan qiymat soliğini kiçik biznesga ham joriy etiş natijasida narx-navo oşib ketişining oldini oliş masalasiga alohida e'tibor qaratdi.

Mutasaddilarga tayyor mahsulot işlab çiqarişgaça bölgan har bir jarayonda yaratilayotgan qöşilgan qiymatga soliqlarni joriy etiş orqali narxni töğri şakllantiriş, uning asossiz ravişda oşib ketmasligini ta'minlaş böyiça topşiriqlar berdi. 

«Yangi soliq tizimida norasmiy faoliyatni legalizatsiya qiliş böyiça bir qator yangiliklar kiritildi. Jumladan, foyda soliği 14 foizdan 12 foizga tuşirilib, tadbirkor faqat daromad olsagina tölanişi belgilandi. Norasmiy bandlikni kamaytiriş maqsadida iş haqidan 30 foizgaça olinadigan daromad soliği örniga yagona 12 foizlik soliq turi kiritildi va 8 foizlik suğurta badali umuman bekor qilindi. Biznes hamjamiyati uçun oğir yuk bölib kelayotgan yagona ijtimoiy tölov stavkasi 25 foizdan 12 foizga tuşirildi. Şuningdek, yakka tartibdagi tadbirkorlar uçun qat'iy belgilangan soliq stavkalari ham 30 foizga pasaytirildi. Bu imkoniyatlar tadbirkorlarning halol işlaşi, köproq iş örinlari yaratişiga xizmat qiladi», degan prezident. 

Yiğilişda soliq yiğuvçanligini oşiriş masalalari muhokama qilindi. Soliq xodimlari işi qoniqarli emasligi, joylarda soliq qarzi saqlanib qolayotgani ta'kidlandi.

Tegişli taşkilotlarga soliq tuşumini töla ta'minlaş böyiça topşiriqlar berildi. 

Yiğilişda soliq ma'murçiligini yuritişda mavjud byurokratik tösiqlar eksportyorlar faoliyatiga salbiy ta'sir körsatayotgani qayd etilgan. Jumladan, mahsulotini eksport qilayotgan işlab çiqaruvçi korxonalar özlarining qöşilgan qiymat soliği summasi qoplab berilişi uçun bir neça oylab ovora bölib, tuman, viloyat va respublika soliq idoralariga murojaat qilişga majbur bölmoqda.

Şu bois prezident qöşilgan qiymat soliğini ön kun muddatda qoplab berişni nazarda tutuvçi soddalaştirilgan tartibni joriy qiliş zarurligini ta'kidladi.

«Yangi soliq kodeksi soliqqa tortiş böyiça barça tartib, mexanizm va uslublarni töliq qamrab olişi, hamma uçun tuşunarli bölişi kerak. Bu işlar adolatli va rağbatlantiruvçi soliq tizimini yaratiş böyiça qöygan birinçi qadamlarimizdir», – degan davlat rahbari. 

Yiğilişda muhokama qilingan masalalar böyiça mutasaddi rahbarlarning axborotlari eşitilgan.