Yetakchi davlatlar rahbarlari qancha maosh olishadi?

Foto: iStock

Dunyoning yetakchi davlatlarining rahbarlari qancha maosh olishi ko‘pchilik uchun qiziq albatta. Bu mavzudagi ma'lumotlarni o‘rganar ekanmiz, prezident va bosh vazirlarning maoshlari o‘zlari boshqarayotgan davlatning iqtisodiy qudratiga mutanosib emasligiga guvoh bo‘lamiz.

Davlat	Prezident yoki bosh vazir	Yillik maosh (AQSh dollari)	Bu davlatdagi minimal oylik maosh (AQSh dollari)
AQSh	Donald Tramp	1	1160
Ukraina	Pyotr Poroshenko	12 200	135
Xitoy	Si Tszinpin	20 500	150-300
Finlyandiya	Sauli Niinistyo	146 700	2000
Rossiya	Vladimir Putin	151 000	140
Buyuk Britaniya	Tereza Mey	198 500	1570
Fransiya	Emmanuel Makron	211 500	1760
Gvatemala	Jimmi Morales	232 000	200
Germaniya	Angela Merkel	263 000	1780
Kanada	Jastin Tryudo	267 000	1400
Avstraliya	Malkolm Ternbull	404 000	1900
Shveytsariya	Doris Loytxard	437 000	Belgilanmagan, o‘rtacha ish haqi soatiga 20 dollar
Singapur	Li Syanlun	2 200 000	Belgilanmagan, taxminan 1000 dollar

Jadvalda qiziqarli raqamlar bor. Masalan, Trampning maoshi. AQShning amaldagi prezidenti bu lavozim uchun belgilangan yillik 400 ming dollar maoshdan byudjyet foydasiga voz kechgan. Ammo uning bu ishi yangilik emas – Robert Guver, Jon Kennedi kabi prezidentlar ham o‘z maoshlaridan davlat hisobiga voz kechishgan.

Singapur bosh vaziri Li Syanlunning yillik maoshi aslida bundan ham ko‘p bo‘lgan. Mittigina davlat bo‘la turib bu qadar katta mablag‘ berilishi bo‘yicha e'tirozlar tug‘ilganidan so‘ng uning maoshi 36 foizga qisqartirilgan. Shunda ham uning yillik maoshi Kanada, Buyuk Britaniya, Shveytsariya, Germaniya, Fransiya, Rossiya va Avstraliya kabi davlat rahbarlarining umumiy maoshidan ham ko‘proqdir.