Fuqarolarga ortiqcha to‘langan pensiya summasi qoldiqlari hisobdan chiqariladi

O‘zbekiston Respublikasi Prezidenti Shavkat Mirziyoyev «2019 yilgi asosiy makroiqtisodiy ko‘rsatkichlari prognozi va davlat byudjyeti parametrlari hamda 2020-2021 yillarga byudjyet mo‘ljallari to‘g‘risida»gi qarorni imzoladi.

Qarorning fuqarolarga to‘lanadigan nafaqalar haqidagi qismida quyidagilar keltirilgan:

28. Belgilansinki, 2019 yil 1 yanvardan boshlab zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa hamda dafn etish marosimi uchun nafaqalarni to‘lash xarajatlarini moliyalashtirish O‘zbekiston Respublikasi Davlat byudjyeti mablag‘lari hisobidan amalga oshiriladi.

O‘zbekiston Respublikasi Moliya vazirligi 2019 yil 1 yanvar holatiga pensiyalarni to‘g‘ri to‘lash bo‘yicha tekshirishlar natijasida aniqlangan fuqarolarga ortiqcha to‘langan pensiya summasi qoldiqlarini hisobdan chiqarsin.