Saudiya Arabistonida koinot agentligi tashkil etildi

Saudiya Arabistoni qiroli Salmon bin Abdulaziz Ol Saud koinot bo‘yicha milliy boshqarma tashkil etilishi haqidagi farmonni imzoladi. Koinot agentligiga qirolning o‘g‘li, turizm boshqarmasiga rahbarlik qilgan shahzoda Sulton bin Salmon rahbarlik qiladi.

“Koinot bo‘yicha boshqarma tashkil etilsin, unga shahzoda Sulton bin Salmon rahbar etib tayinlansin,”, deb aytilgan qirol farmonida.

Avvalroq qirol boshqa bir farmoni bilan hukumatda bir qator o‘zgarishlar amalga oshirdi.