13:42 / 31.12.2018
11704

Toshkent viloyati IIBning bir guruh faxriylari nafaqaga kuzatildi

Toshkent viloyati IIB YHXB majlislar zalida bayram arafasida yillar davomida uzoq va samarali mehnat qilib, o‘zining halolligi va fidoyiligi bilan yosh kadrlarga o‘rnak bo‘lib, harakat xavfsizligini ta'minlash sohasida xizmat olib borgan bir guruh xodimlar tantanali ravishda nafaqaga kuzatildi.

«Nafaqaga kuzatish marosimini kuzatar ekanmiz, ketayotgan xodimlar o‘zi yillar davomida samarali mehnat qilib kelgan kasbidan uzoqlasha olmayotgani, vatan ravnaqi va xalq osoyishtaligi yo‘lida umrining oxirigacha xizmatga tayyor ekanliklari ularning so‘zlaridan sezilib turardi», deyiladi Toshkent viloyati IIB matbuot xizmati xabarida.

O‘z o‘rnida, ularning o‘rni yosh kadrlar bilan to‘ldirilgan. YHX xizmatiga qabul qilingan yosh xodimlar ham tadbirda ishtirok etishgan.

«Tadbir davomida, so‘zga chiqqan yosh xodimlardan safdor Jumanov Abrorjon Vahobjon o‘g‘lining so‘zlari barcha xodimlar ko‘nglini bir qalqitib o‘tdi.

Uzoq yillar davomida xizmat qilgan xodimlar uning otasi marhum sobiq YPX inspektori Vahobjon Nuritdinovni eslab o‘tishdi.

Ha, o‘sha 2004 yilning mart oyining mash'um voqealari, xalq osoyishtaligi yo‘lida jonini qalqon qilgan xodimning o‘g‘li bugun ota kasbini egallab turibdi», deyiladi xabarda

Top