Foto: EPA-EFE/WHELAN FAMILY
Moskvada josuslikda gumonlanib qo‘lga olingan amerikalik Pol Uilan Birlashgan Qirollik fuqarosi ekanligi ma'lum bo‘ldi. The Times nashrining xabar berishicha, u qo‘lga olinganidan so‘ng AQSh diplomatik missiyasi xodimlari britaniyalik diplomatlar bilan bog‘langan va Uilanning Britaniya fuqarosi ekanligini xabar qilgan.
Buyuk Britaniya TIV vakilining so‘zlariga ko‘ra, «konsul Rossiyada qo‘lga olingan britaniyalikning oldiga kirishi uchun ruxsat so‘ralgan».
Pol Nikolas Uilan 28 dekabr kuni Moskvada josuslik faoliyatini amalga oshirayotganda qo‘lga olingan va unga nisbatan jinoyat ishi qo‘zg‘atilgan.
Ma'lum qilinishicha, u Rossiya fuqarosidan davlat siri bo‘lgan ma'lumotlarni olganidan so‘ng ushlangan.
