Visual Capitalist tayyorlagan infografikada davlatlar tört mezon - amalda xizmat qilayotgan harbiylar, tanklar, harbiy uçiş apparatlari va kemalar soni böyiça taqqoslangan. Har bir körsatkiçda yetakçi örinlar turli davlatlarga tegişli.
Askarlar soni: Şimoliy Koreya AQŞga yaqin
Global Firepower bahosiga köra, Xitoy 2,04 million nafar harbiy xizmatçi bilan dunyoda birinçi örinda turadi.
Eʼtiborli taqqoslaşlardan biri AQŞ va Şimoliy Koreyaga tegişli: Amerika qurolli kuçlarida 1,33 million, KXDRda esa 1,32 million kişi xizmat qiladi.
Şimoliy Koreyaning katta armiyasi, avvalo, Koreya yarimorolida ehtimoliy quruqlik uruşiga tayyorgarlik bilan boğliq. Yaponiyaning 2026-yilgi mudofaa «Oq kitobi»da KXDR qurolli kuçlarida quruqlik qöşinlari muhim örin tutişi, ularning katta qismi Janubiy Koreya bilan çegaradagi demilitarizatsiya qilingan hudud yaqinida joylaşgani qayd etilgan.
Tanklar soni ularning sifatini körsatmaydi
Tanklar soni böyiça ham Xitoy birinçi örinni egallagan. Şimoliy Koreya esa AQŞni ortda qoldirib, uçinçi poğonaga joylaşgan.
Britaniyaning Qirollik birlaşgan mudofaa tadqiqotlari instituti - RUSI maʼlumotiga köra, KXDR zamonaviyroq texnika bilan bir qatorda, 1950–1960-yillardagi sovet işlanmalari asosida yaratilgan tanklardan ham foydalanişda davom etmoqda.
Eski maşinalarni safda saqlaş tanklar sonini yuqori darajada uşlab turişga yordam beradi. Biroq bunday hisob-kitobda zirh, nişonni aniqlaş vositalari va qurollanişdagi farqlar aks etmaydi. Jang maydonida esa aynan şu xususiyatlar hal qiluvçi ahamiyat kasb etişi mumkin.
AQŞning aviatsiyadagi ustunligi qayerdan keladi?
AQŞ harbiy aviatsiyasida jami 13 032 ta uçiş apparati bor. Bu reytingda undan keyingi tört davlatning jami körsatkiçidan ham köp.
Bunday katta farq faqat jangovar samolyotlar hisobiga şakllanmagan. AQŞning dunyoning turli nuqtalaridagi harbiy amaliyotlari qöşinlar va yuklarni okeanlar orqali taşiş, şuningdek, aviatsiyani bazalardan uzoqda taʼminlaşni talab qiladi. Buning uçun köplab transport va havoda yonilği quyiş samolyotlari zarur.
