Normativ-huquqiy hujjatlar loyihalari muhokamasi portalida “O‘zbekiston Respublikasi davlat bojxona xizmati organlarida “front-ofis” faoliyatini tashkil etish to‘g‘risidagi vaqtinchalik nizomni tasdiqlash haqida”gi hujjat loyihasi joylashtirildi.
Nizomga ko‘ra, “front-ofis” faoliyati hududiy boshqarmalarning bojxona postlarida ish hajmidan kelib chiqib tashkil etiladi. “Front-ofis” xizmatchilari ish hajmidan kelib chiqib, hududiy boshqarma boshlig‘ining topshirig‘iga muvofiq bir hududiy boshqarma doirasida boshqa “front-ofis”ga jalb qilinishi mumkin.
“Front-ofis” xarajatlari, shu jumladan fuqarolik-huquqiy shartnomalari asosida jalb qilingan shaxslarga haq to‘lash, ularni o‘qitish, malakasini oshirish bilan bog‘liq xarajatlar maxsus jamg‘arma hisobidan amalga oshiriladi.
“Front-ofis” xizmatlari ular joylashgan manzillarda, TIF ishtirokchisining murojaatlariga muvofiq amalga oshiriladi.
“Front-ofis” xizmatchilarining TIF ishtirokchilari bilan munosabatlari mazkur ommaviy oferta asosida amalga oshiriladi.
“Front-ofis”larning faoliyati ustidan nazorat hududiy boshqarmalar, umumiy nazorat DBQning sohaviy boshqarmalari tomonidan olib boriladi.
“Front-ofis”ga shaxslarni jalb qilish hududiy boshqarmalarning Kadrlar bo‘limi tomonidan amalga oshiriladi. “Front-ofis”ga shaxslarni jalb qilish maqsadida, DBQning Jamoatchilik va ommaviy axborot vositalari bilan aloqalar bo‘limi tomonidan ommaviy axborot vositalari hamda DBQ rasmiy veb-saytida e'lon beriladi.
Nomzodga qo‘yiladigan talablar:
O‘zbekiston Respublikasi fuqarosi bo‘lishi;
o‘rta maxsus yoxud oliy ta'lim muassasalarining diplomiga ega bo‘lishi;
bojxona qonunchiligiga oid bilimlarga va ularni amaliyotga qo‘llash, shuningdek, tashkiliy texnikalar (kompyuter, skaner, printer va boshqalar) bilan ishlash ko‘nikmalariga ega bo‘lishi;
yuklatilgan majburiyatlarni bajarishga qodir bo‘lishi;
bojxona va boshqa huquqni muhofaza qiluvchi organlaridan salbiy asoslar bilan bo‘shatilmagan bo‘lishi.
“Front-ofis”da ishlash istagini bildirgan nomzodlar hududiy boshqarmalarga ariza bilan murojaat etadilar.
Arizaga quyidagi hujjatlar ilova qilinadi:
