Pompeo Ukrainada mustaqil cherkov tashkil etilganini «tarixiy yutuq» deb atadi

AQSh davlat kotibi Mayk Pompeoning ma'lum qilishicha, Ukrainadagi yangi pravoslav cherkoviga avtokefaliya taqdim etilishi mamlakat uchun «tarixiy yutuq» hisoblanadi. Pompeoning bayonoti Davlat departamenti saytida e'lon qilindi.

Pompeo so‘zlariga ko‘ra, 6 yanvar kuni Ukraina cherkovining mustaqilligi haqida berilgan bayonot Ukraina uchun «tarixiy yutuqqa» aylandi. Davlat kotibi fikricha, bu voqea juda muhim ahamiyatga ega, sababi hozirgi paytda Ukraina «o‘z kelajagi qanday ko‘rinishda bo‘lishini aniqlashga» harakat qilmoqda.

Shu bilan birga, Pompeoning ta'kidlashicha, Ukraina hukumati fuqarolarning din erkinligiga bo‘lgan huquqini hurmat qilishi kerak.

Eslatib o‘tamiz, avvalroq Ukraina o‘zining mustaqil pravoslav cherkovini tashkil etgandi.