Gretsiya bosh vaziri Aleksis Tsipras Makedoniya hukumati rahbari Zoran Zayevni mamlakat nomini o‘zgartirish bo‘yicha parlamentda ovoz berish jarayoni muvaffaqiyatli o‘tgani bilan tabrikladi. Bu haqda TASS Gretsiya hukumati rahbarining matbuot xizmatiga asosan xabar bermoqda.
Xabar qilinishicha, Gretsiya bosh vaziri Aleksis Tsipras Zoran Zayev bilan telefon orqali muloqot o‘tkazgan va «uni Prespa kelishuviga asosan konstitutsiyani qayta ko‘rib chiqish jarayoni muvaffaqiyatli yakunlangani bilan tabriklagan».
Avvalroq, Makedoniya parlamenti mamlakat nomining o‘zgartirilishini ma'qullagani xabar berilgandi.
Makedoniya o‘z nomini NATO va Yevropa ittifoqiga kirish uchun o‘zgartirdi.
