Afrika Kubogi taqvimi Ramazon oyi tufayli o‘zgartirildi

2019 yilgi Afrika Millatlari Kubogining boshlanish sanasi bir haftaga kechiktirildi.

AFP xabariga ko‘ra, musobaqa 13 iyun - 15 iyul kunlari emas, balki 21 iyun - 19 iyul kunlari o‘tkaziladi. Shimoliy Afrikaning bir qancha mamlakatlari Ramazon oyidan so‘ng, futbolchilarga qisqa tanaffus so‘ragani bois, shunday qaror qabul qilindi. 2019 yilda ro‘za oyi 5 mayda kirib kelib, 4 iyungacha davom etishi kutilmoqda. 

Eslatib o‘tamiz, Afrika Millatlari Kubogi Misrda o‘tkaziladi. Musobaqaga qur'a tashlash marosimi 12 aprel kuni Qohirada bo‘lib o‘tishi rejalashtirilgan. Bu turnirda tarixda ilk marotaba 24ta terma jamoa ishtirok etadi.