Toshkentda qashqadaryolik shaxs olib qochgan avtomashinasi bilan YTH sodir etdi

2018 yil 29 oktabr kuni noma'lum shaxs Toshkent viloyatining Zangiota tumanida yashovchi S.S.ning uyiga ochiq qolgan eshigi orqali kirib, uyi darvozaxonasida turgan “Cobalt” rusumli avtomashinasini haydab qochgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, so‘ng u avtomashinani Toshkent shahar Sergeli tumani O‘zgarish mahallasida boshqarib ketayotib, “Matiz” rusumli avtomashinasi bilan to‘qnashuv sodir etib, o‘zi u yerdan qochib ketgan. 

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Qashqadaryo viloyati Dehqonobod tumani Qizilsoy qishlog‘ida yashovchi J.B. sodir etganligi aniqlanib, ushlangan. 

Tergov davom etmoqda, deyiladi xabarda.