AQShga qutbning izg‘irin girdobi yopirilmoqda

AQSh tarixidagi eng qahraton qish mavsumlaridan biri keldi. Chikagoda havo harorati -46 darajaga tushib ketgan. 

Qutbning izg‘irin girdobi Qo‘shma Shtatlarning sharqiy hududlari - Dakotadan Mayngacha rekord darajadagi sovuq oqimni olib kelgan. Metereologlarga ko‘ra, sovuq va qor janubiy shtatlar Alabama va Jorjiyaga ham yetib borishi kutilmoqda.

Izg‘irin mamlakatning o‘rta g‘arb hududi – Chikago va Illinoys shimoliga qattiq ta'sir ko‘rsatgan. Ushbu hududdagi shaharlarda yuzlab maktablar yopilgan, mingdan ortiq parvozlar bekor qilindi.

Qahraton sovuq odatda Shimoliy Qutb hududlaridan o‘tadi, bu yil esa oqim janubroqqa – AQSh tomonga yo‘nalishni o‘zgartirgan.

Chikagolik rasmiylar sovuq oqibatida 360 ming o‘quvchi darslarini bekor qilgan, Jorjiyada ham darslar bekor qilinmoqda. Sovuq hatto Rochesterda (Minnesota shtati) bir kishining umriga zomin bo‘lgan.