08:50 / 02.02.2019
9725
БАА ширкати Венесуэла олтинининг бир қисмини сотиб олди
Фото: EPA

Бирлашган Араб Амирликларининг Noor Capital ширкати Венесуэла марказий банкидан уч тонна олтин сотиб олгани ҳақида маълумот берди. Бу ҳақда ташкилотнинг твиттерида хабар берилган. 

Баёнотга кўра, 21 январь куни амалга оширилган харид маҳаллий қонунчилик ва халқаро нормаларга зид эмас.

«Noor Capital қандайдир ноқонуний ёки тақиқланган битимларда иштирок этмайди», - дейилади хабарда.

Аниқлик киритилишича, келажакда компания Венесуэладаги вазият ҳал бўлмагунга қадар ҳар қандай операциялардан воз кечади.

Эслатиб ўтамиз, аввалроқ Гуайдо АҚШнинг Венесуэладаги вазиятга ҳарбий аралашувини истисно қилмаганди.

Мавзу
Венесуэлада сиёсий инқироз
Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди
Барчаси
Top