«Sharmandali yakun»: Chexiya prezidenti Guaydoni ogohlantirdi

Foto: IZVeSTIYa/Pavel Bednyakov

Chexiya prezidenti Milosh Zemanning Frekvence 1 radiostansiyasi efirida ma'lum qilishicha, Venesueladagi vaziyatga ehtimoliy harbiy aralashuv mamlakat muxolifati yetakchisi, o‘zini muvaqqat prezident deb e'lon qilgan Xuan Guaydo uchun «sharmandali yakun»ga aylanadi. Bu haqda RIA «Novosti» xabar bermoqda.

Zemanning so‘zlariga ko‘ra, u ham Lotin Amerikasidagi diktatorlar, ham harbiy aralashuvlar, qo‘shinlarni kiritish va bostirib kirish to‘g‘risidagi maxsus taklifnoma-maktublarni yoqtirmaydi.

«Agar Xuan Guaydo Venesueladagi mavjud muammoni bartaraf qila olmasa va xorijiy himoyachilarga murojaat qilsa, unda u venesuelalik Gusak kabi sharmandali yakunga ega bo‘ladi», - deya taxmin qilgan Zeman.

Zeman nazarda tutgan Gustav Gusak sotsialistik Chexoslovakiyaning so‘nggi prezidentiga aylanib, o‘z lavozimini 14 yil davomida egallagan va undan «baxmal inqilobi» davomida ayrilgan.

Eslatib o‘tamiz, avvalroq Guaydo Rossiya va Xitoy Maduroni emas, balki o‘z investitsiyalarini himoya qilayotgani haqida aytgandi.

Tayyorlagan: Отабек Матназаров

#Venesuela #Milosh Zeman #Xuan Guaydo

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi