Haitidagi turmadan 78 mahbus qochib ketdi

Haitidagi turmalarning biridan kamida 78 mahbus qochib ketdi. Bu haqda “Frans Press” axborot agentligi xabar berdi. 

Ma'lum qilinishicha, voqea mamlakat janubidagi Aken aholi punktida yuz bergan. Voqea tafsilotlari keltirilmagan. 

Ayni vaqtda mahbuslar qochishi tafsilotlarini aniqlash bo‘yicha tergov olib borilmoqda. Guvohlarning aytishicha, voqea yuz bergan vaqtda turmaga yondosh politsiya bo‘limi binosi oldida mamlakat prezidenti Jovenel Moizga qarshi namoyish o‘tayotgan bo‘lgan.