Norvegiya Rossiyani «soxta hujum»da aybladi

Norvegiya razvedka xizmati boshlig‘i, general-leytenant Morten Xaga Lundening ma'lum qilishicha, Rossiya samolyotlari mamlakat shimoliy qismidagi harbiy radarga soxta hujumni amalga oshirgan. Bu haqda Barens Observer yozmoqda.

Uning so‘zlariga ko‘ra, 2018 yil 14 fevral kuni Murmansk yaqinidagi aerodromdan Rossiyaga qarashli 11ta Su-24 samolyoti parvoz qilib, Barens dengizi ustidan uchib o‘tgan va Verde shahri yaqinidagi Norvegiya radariga «soxta hujum» qilgan, so‘ng ular aerodromga qaytib ketgan.

Shu bilan birga, generalning ta'kidlashicha, Rossiya samolyotlari Norvegiya davlat chegarasini kesib o‘tmagan.

Eslatib o‘tamiz, avvalroq Norvegiya maxsus xizmati Rossiya va Xitoy mamlakatda faol razvedka faoliyatini amalga oshirayotganini ta'kidlagandi.