Kepa Sarrining talabini rad etib, zaxiraga o‘tirishdan bosh tortganiga izoh berdi

«Chelsi» darvozaboni Kepa Arrisabalaga «Manchester Siti»ga qarshi kechgan Angliya Liga kubogi finali oxiridagi vaziyat yuzasidan tushuntirish berdi.

«Uembli»dagi o‘yinning qo‘shimcha bo‘limlari so‘ngida Kepa darvozani jamoadoshi Villi Kabaleroga bo‘shatib berishdan bosh tortgan edi. Bosh murabbiy Mauritsio Sarri bu talabi qondirilmagach, g‘azab bilan zaxira o‘rindig‘ini tark etgandi. Ko‘p o‘tmay, Sarri o‘rniga qaytdi va «Chelsi» penaltilar seriyasida mag‘lub bo‘ldi.

😳 - Have you EVER seen anything like it!?

Maurizio Sarri tries to substitute Kepa Arrizabalaga for Willy Caballero, but Kepa refuses to come off and Sarri is absolutely FURIOUS! 😡 pic.twitter.com/Q81v6ry3Kk
— Sky Spors Football (@SkyFootball) February 24, 2019

«Men hech qanaqasiga murabbiyning gapini ikki qilish niyatim yo‘q edi. Biz shunchaki bir-birimizni tushunmay qoldik. Men maydonni tark etishdan bosh tortganim yo‘q. Murabbiylarga men o‘zimni yaxshi his etayotganimni aytdim.

Tushunib turibman, endi televideniyeda va ijtimoiy tarmoqlarda bu vaziyatni muhokama qilishadi. Lekin men murabbiyga qarshi harakat qilmoqchi emasdim», – degan Kepadan iqtibos keltirmoqda Associated Press.

🙈 - Not what Kepa Arrizabalaga would have wanted in the penalty shoot-out after his bust-up with manager Maurizio Sarri!

What should @ChelseaFC do with the 'keeper following the incident? 🤔

Watch analysis and reaction to @ManCity's win live on Sky Spors Football now! pic.twitter.com/cUBxpMClD1
— Sky Spors Football (@SkyFootball) February 24, 2019