O‘zbekistonda «Formula-1» musobaqalarini o‘tkazish taklif etildi

“Mening fikrim” jamoaviy murojaatlar portalida O‘zbekistonda “Formula-1” va “Formula-E” avtomobil musobaqalarini o‘tkazish haqida petitsiya paydo bo‘ldi.

Bildirilishicha, bugungi kunda yurtimizda sportning barcha yo‘nalishlarini rivojlantirish borasida salmoqli ishlar amalga oshirilmoqda. Shuningdek, “Formula-1” va “Formula-E” avtomobil musobaqalariga qiziquvchilarning xam soni ortmoqda. 

“Ushbu avto musobaqalar tashkil etiladigan trassalar barpo etiladigan bo‘lsa, xorijiy sayyohlarning yanada ortishiga va Vatanimizning nomi yanada tanilishiga xizmat qiladi”, - deyiladi petitsiyada.

“Formula-1” va “Formula-E” avtomobil musobaqalari o‘tkaziladigan maxsus trassalarni barpo etib, musobaqalar o‘tkazishni taklif qilaman”, - deb yozadi murojaat muallifi.

Eslatib o‘tamiz, avvalroq O‘zbekistonda yangi telekanal tashkil etish taklif qilingandi.