Tokiodagi Keyo universiteti qoshidagi klinikada dunyoda eng kichik vazn bilan tug‘ilgan o‘g‘il bola shifokorlar parvarishidan keyin o‘zini tutib oldi.
Tug‘ilganida vazni bor-yo‘g‘i 268 grammni tashkil qilgan bola shifokorlar qaroviga boshqa ehtiyoj sezmagani sababli shifoxonadan chiqarildi.
Yarim yil davomida mitti bolakay deyarli 3 kg vazn to‘plagan va hozir mustaqil ravishda nafas oladi va ema oladi.
Ta'kidlanishicha, bola ona bachadonida deyarli o‘smagan, shu sababli shifokorlar homiladorlikning 24-haftasida uni kesarcha kesish yordamida chiqarib olishga qaror qilishgan.
Bola dunyoga kelganda ikki qo‘l kaftlaridek kelgan, uning hayotini esa maxsus qurilmalar qo‘llab-quvvatlab turgan.
Bolakay eng kam vazn bilan tug‘ilib yashab keta olgan erkak jinsidagi chaqaloq sifatida qayd qilindi. Bu borada avvalgi rekordchi 274 gramm vazn bilan tug‘ilgan germaniyalik bola hisoblanadi.
