Shimoliy Koreya yetakchisi Kim Chen In AQSh prezidenti Donald Tramp bilan muzokaralardan keyin Vetnam prezidenti Nguyen Fu Chong bilan uchrashdi.
Kim Chen In hamkasbiga AQSh-Shimoliy Koreya sammitini tashkillashtirishdagi yordami va iliq qabul uchun minnatdorlik bildirgan hamda Shimoliy Koreya va Vetnam uzoq yillardan beri do‘stona aloqalarda ekanini eslab o‘tgan.
“Vetnamda chegaradan boshlab meni iliq kutib olishgani va bunday qizg‘in qabul qilishgani Vetnam xalqining samimiy qalbini his qilishga imkon beradi”, deb aytgan Kim Chen In.
O‘z navbatida Vetnam prezidenti Kim Chen Inning tashrifini bir qator mintaqaviy masalalar bo‘yicha fikr almashish uchun yaxshi imkoniyat deb atagan.
