O‘zbekiston tashqi ishlar vaziri Abdulaziz Komilov amaliy tashrif bilan Katar davlatida bo‘ladi. Bu haqda TIV axborot xizmati xabar berdi.
Xabarda aytilishicha, tashrif 3-5-mart kunlari amalga oshiriladi.
“Kelishuvga muvofiq, Doha shahrida O‘zbekiston-Katar muzokaralari bo‘lib o‘tadi”, deyiladi xabarda.
Qayd etilishicha, muzokaralarda ikki tomonlama munosabatlarning qator masalalari, o‘zaro aloqalarni rivojlantirish istiqbollari, shuningdek, dolzarb xalqaro va mintaqaviy muammolar muhokama qilinadi.
Avvalroq Abdulaziz Komilov Abu-Dabi shahrida Turkiy tilli davlatlar hamkorlik kengashining (Turkiy kengash) bosh kotibi Bog‘dod Amreyev bilan uchrashgani xabar qilingandi.
