AQSh Rossiyaga qarshi sanksiyalarni yana bir yilga uzaytirdi

AQSh prezidenti Donald Tramp 2014 yil Ukrainadagi vaziyat sababli Rossiyaga qarshi kiritilgan sanksiyalarning amal qilish muddatini yana bir yilga uzaytirdi. Tegishli farmon Oq uy saytida e'lon qilingan.

Farmonda sanksiyalar AQSh milliy xavfsizligi manfaatlari va tashqi siyosatiga favqulodda xavflar mavjudligi sababli uzaytirilayotgani ta'kidlab o‘tilgan. 

Qarorda Ukrainadagi demokratik jarayonlar va institutlarga putur yetkazayotgan shaxslarga nisbatan sanksiyalar haqida gapirilgan. Jumladan, sanksiyalar rossiyalik siyosatchilarni, Ukrainaning sobiq prezidenti Viktor Yanukovichning atrofidagilarni qamrab oladi. Shuningdek, sanksiyalar Rossiya korxonalari va o‘z mustaqilligini e'lon qilgan DXR va LXRga qarshi amal qiladi.