Rossiyalik harbiylarga ish vaqtida smartfondan foydalanish taqiqlandi 

Rossiya prezidenti Vladimir Putin harbiylarga xizmat vaqtida yonlarida smartfon olib yurishni taqiqlovchi qonunni imzoladi. Taqiqlov internet yordamida audio-, foto-, videomateriallar hamda geojoylashuv ma'lumotlarini tarqatishga imkon beruvchi boshqa qurilmalarga ham taalluqli.
 
Bundan tashqari, harbiylarga o‘zlari va hamkasblari haqida, jumladan ular xizmat qiladigan muassasa, qismni aniqlash yoki xizmat o‘tash joyini bilib olishga imkon beruvchi ma'lumotlarni OAVga berish yoki internetda joylashtirish taqiqlanadi.

Ta'kidlanishicha, muayyan vazifalarni bajarish bilan bog‘liq vaziyatlar, misol uchun, jangovar harakatlar olib borish, jangovar navbatchilik o‘tash, harbiy qism hududida bo‘lish kabilarda smartfondan foydalanish taqiqlanadi.