Sayyoradagi eng keksa ayol Ginnes rekordlar kitobiga kiritildi

Yaponiyalik 116 yoshli Keyn Tanaka Ginnes rekordlar kitobiga sayyoradagi hozirda hayot bo‘lgan eng keksa kishi sifatida kiritildi. Bu haqda The Guardian yozmoqda.

Qayd etilishicha, Tanaka 1903 yil 2 yanvarda tug‘ilgan. U Yaponiya janubi-g‘arbiy qismidagi Fukuoka shahrida yashaydi.

Nashrdan aniqlik kiritilishicha, uzoq umr ko‘rib kelayotgan ayol odatda ertalab soat oltida uyg‘onadi va matematika bilan shug‘ullanadi. Shuningdek, U «Otello» stol o‘yinini o‘ynashni yaxshi ko‘radi.

Bundan oldin, dunyoning eng keksa ayoli 117 yoshida vafot etgan Tiyo Miyako edi.

Avvalroq, O‘zbekistonning eng yoshi ulug‘ kishisi 124 yoshda ekani, u Buvaydada yashashi xabar qilingandi.