MRI va Linac'ni o‘zida jamlagan revolyutsion texnologiya bizning nur orqali davolashga doir tasavvurimizni butunlay o‘zgartirib yuboradi. Uning paydo bo‘lishi davolash davomiyligining qisqarishi, o‘simtalarning ko‘rina boshlashi va ularga qarshi maqsadli kurashish, nojo‘ya ta'sirning kamayishiga hamda saraton murakkab turlarining chekinishiga imkon yaratadi.
Dunyoda shunday qurilmalardan bor-yo‘g‘i 20 tasi mavjud bo‘lib, ulardan biri Turkiyaning yetakchi tibbiyot muassasalaridan bo‘lgan ACIBADEM Healthcare Group tarkibiga kiruvchi Istanbuldagi ACIBADEM Maslak kasalxonasiga yetib keldi. 2012 yilda ACIBADEM IHH Healthcare bilan hamkorlik bo‘yicha shartnoma imzoladi va kattaligi bo‘yicha jahonda ikkinchi turuvchi sog‘liqni saqlash tarmog‘ining bir qismiga aylandi. Ilg‘or diagnostik va davolash metodikalaridan foydalanish natijasida Turkiya sog‘lomlashtirish turizmi sohasidagi yetakchi davlatlar qatoriga kirdi.
Nur orqali davolashdagi yangi davr haqida Acıbadem tibbiy markazlar tizimiga kiruvchi – Mexmet Ali Aydinlar universitetning nur onkologiyasi bo‘limi mutaxassisi, ushbu soha eksperti professor Enis Ozyar so‘zlaydi.
Yurak-qon tomirlari kasalliklaridan so‘ng saraton salomatlik uchun ikkinchi eng katta tahdidlardan bo‘lib qolmoqda. Ekspertlar fikricha, joriy yilning so‘ngiga qadar, 18.1 millionga yaqin kishi og‘ir xastalikning qurboniga aylanadi, o‘limlar soni esa 9 milliondan oshadi.
Xatarli o‘simtalarning eng keng tarqalgan turi – o‘pka saratoni umumiy kasallar sonidan 11.6 foizni tashkil etadi. Ayollar asosan ko‘krak bezi saratonidan, erkaklar – prostatadan aziyat chekishadi. Ko‘p hollarda kolorektal saraton, shuningdek, oshqozon va jigar saratoni tashxislari ham qo‘yiladi.
Bugungi kunda zamonaviy tibbiyot yangi texnologiyalardan foydalanish bilan chambarchas bog‘liq – avvalroq qo‘yilgan tashxis va apparat terapiyasi hattoki yopiq shaklda topilgan kasalliklarni ham muvaffaqiyatli davolash imkoniyatini oshiradi. Mana shunday yangi texnologiyalardan biri xatarli o‘simtalarni yo‘qotishda revolyutsion burilish yasadi. Magnitli-rezonans nur orqali davolash radiatsion onkologga bemorlarni jarrohlik usuli bilan davolash imkonini beradi – qurilma o‘simtaning mavjud joyini u hattoki, yumshoq to‘qimalarda joylashgan bo‘lsa ham aniq topa oladi.
