Pokiston Hindiston yangi hujumga tayyorgarlik ko‘rayotganini ma'lum qildi

Foto: AP Photo/Mukhtar Khan, arxiv

Pokiston Hindiston 16dan 20 aprelgacha ushbu mamlakatga yangi hujumlar uyushtirishga tayyorgarlik ko‘rayotgani haqida ishonchli razvedka ma'lumotlariga ega. Bu haqda Pokiston tashqi ishlar vaziri Shoh Mahmud Qurayshiy ma'lum qildi, deb xabar berdi Geo TV kanali.

"Hindistonning Pokistonga nisbatan yangi tajovuzkorlik harakati taxminan 16 va 20 aprel oralig‘ida bo‘ladi. Qo‘limizdagi ishonchli razvedka ma'lumotlariga ko‘ra, Hindiston Pokistonga diplomatik bosimni kuchaytirish va Pokistonga qarshi jangovar harakatlarini oqlash maqsadida Pulvam okrugida bo‘lganidek yangi voqeani rejalashtirishi mumkin", - dedi vazir.

Xabar qilinishicha, Pokiston Hindistonning tinchlikni buzishga urinishi haqida BMT Xavfsizlik kengashining barcha doimiy a'zolarini xabardor qilgan.

Avvalroq Kashmir hududida Hindiston va Pokiston harbiylari bir-birlarining pozitsiyalarini o‘qqa tutishgani xabar qilingandi.

Tayyorlagan Дилшод Аскаров

#Hindiston #Pokiston #nizo

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.