Qozog‘iston prezidenti fuqarolarga murojaat bilan chiqadi

Qozog‘iston prezidenti Qosim-Jomart To‘qayev 9 aprel, seshanba kuni mahalliy telekanallar efirida mamlakat fuqarolariga murojaat bilan chiqadi. Bu haqda uning matbuot xizmati xabar bermoqda, deya yozadi RIA «Novosti».

Qayd etilishicha, murojaat translatsiyasi Nur-Sulton vaqti bilan soat 13:00 (Toshkent vaqti bilan 12:00)da boshlanadi.

To‘qayev nima haqida gapirishiga aniqlik kiritilmagan. Ba'zi mutaxassislarning fikriga ko‘ra, u muddatdan avvalgi prezidentlik saylovlari o‘tkazilishi haqida e'lon qilishi mumkin.

20 mart kuni Qozog‘iston sobiq prezidenti Nursulton Nazarboyev iste'foga chiqdi. Mamlakatga Qosim-Jomart To‘qayev rahbarlik qilmoqda.

Bundan oldin, Qozog‘iston moliya vaziri o‘rinbosari poytaxt nomida adashib ketgani xabar berilgandi.