Toshkentdagi do‘konda yirik o‘g‘irlik sodir bo‘ldi

2019 yil 24 yanvar kuni noma'lum shaxs Toshkent shahrining M.Ulug‘bek tumanida joylashgan, fuqaro J.N.ga tegishli tamaki mahsulotlari savdo do‘koniga eshik qulfini buzish yo‘li bilan kirgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, bu shaxs u yerdan 5 316 600 so‘m puli, umumiy qiymati 42 524 400 so‘mlik mahsulotlarini va do‘konga o‘rnatilgan video kuzatuv moslamasi xotirasini o‘g‘irlab ketgan.

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Toshkent viloyati Quyi Chirchiq tumani Chirchiq ko‘chasida yashovchi T.I. sodir etganligi aniqlanib, ushlangan. 

Tergov harakatlari davom etmoqda.