Хусусан, қуйидаги йўналишлар бўйича олий ўқув юртларида ўқитиш йўлга қўйилади:
Муҳандислик иши:
тиббиёт тизимлари, асбоблари ва буюмлари;
пайвандлаш технологияси ва жиҳозлари;
совитиш, криоген техникаси ва мўътадиллаш;
ёғочни қайта ишлаш саноати машиналари ва жиҳозлари;
озиқ-овқат саноати машина ва жиҳозлари;
учувчисиз авиация комплексларининг техник ва технологик эксплуатацияси;
электр тизимлари ва тармоқлари;
нефт-газ саноати машина ва жиҳозлари;
амалий-космик технологиялар;
учиш аппаратлари ва двигателларидан техник фойдаланиш;
кўтариш-ташиш, йўл-қурилиш машиналаридан фойдаланиш;
маҳсулот сифати менежменти;
нефт ва газ қудуқларини бурғилаш;
стратегик объектларни лойиҳалаш, қуриш ва эксплуатацияси;
темирйўл инфратузилмаси объектларини лойиҳалаш ва қуриш.
Соғлиқни сақлаш:
жисмоний реабилитация ва эрготерапия;
аллергология ва иммунология;
анестезиология-реаниматология;
гематология;
болалар кардиохирургияси;
болалар онкологияси;
болалар хирургияси;
болалар эндокринологияси;
болалар нефрологияси;
болалар офталмологияси;
интервенсион кардиология;
клиник радиология;
тиббиёт генетикаси;
косметология;
психотерапия;
пластик хирургия.
Ишлаб чиқариш технологиялари:
кукунли металлургия, композицион материаллар, қопламалар;
ёғлар, эфир мойлари ва парфюмерия-косметика маҳсулотлари технологияси;
функционал овқатланиш ва болалар маҳсулотлари технологияси;
консервалаш технологияси;
нанотехнология (тармоқлар бўйича);
саноат корхоналарида инновацион лойиҳалар бошқаруви;
рақамли иқтисодиёт.
Иқтисодиёт ва хизмат кўрсатиш:
стратегик режалаштириш;
реклама иши;
туризм географияси ва экскурсиявий менежмент;
жисмоний соғломлаштириш ва туристик рекреацион фаолият;
соғломлаштириш ва адаптив жисмоний маданият;
спортнинг техник ва амалий турлари;
аҳоли ва туристларнинг овқатланишини ташкил этиш;
уй-жой, коммунал ва маиший хизмат кўрсатиш тармоқлари сервиси.
Архитектура ва санъат:
урбанистика, шаҳарсозликни режалаштириш;
архитектура ёдгорликлари реконструкцияси ва реставрацияси;
санъат соҳасида продюсерлик;
архитектуравий муҳит дизайни;
саноат дизайни;
ландшафт дизайни.
Психология, социология ва журналистика:
амалий психология;
ёшлар психологияси;
психологик хизмат фаолиятини бошқариш;
ижтимоий психология;
клиник психология;
оилавий муносабатлар психологияси;
касбга йўналтирув психологияси;
ёшлар билан ишлашни ташкил этиш;
оммавий коммуникациялар социологияси;
тизимли таҳлил ва прогнозлаштириш;
ҳарбий журналистика.
Балиқ хўжалиги ва атроф-муҳит муҳофазаси:
саноат балиқчилиги;
балиқ маҳсулотларини ишлаб чиқариш технологияси;
табиатни муҳофаза қилиш ва табиатдан рационал фойдаланиш.
Педагогика ва гуманитар фанлар:
мактабгача таълим психологияси ва педагогикаси;
тарих ва экскурсия-ўлкашунослик иши;
технология таълими (амалий ва ижодий кўникмалар);
синхрон таржима (тиллар бўйича);
маданиятлараро коммуникацияларнинг лингвистик таъминоти (тиллар бўйича);
ноширлик иши.
Олий ва ўрта махсус таълим вазирлигининг ахборот беришича, 2019/2020 ўқув йилидан бошлаб тажриба тариқасида бир қатор олий таълим муассасаларини босқичма-босқич молиявий барқарорликка эришишнинг янги тизимига ўтказишни режалаштирган. Биринчи босқичда мустаҳкам ҳуқуқий база ишлаб чиқилади ва ОТМ ўз жамоасини тайёрлайди. Педагогларни ўқув-методик ва молиявий томондан таъминлайди. Бу жараён вазирлик томонидан назорат қилиб борилади.
Ўзини ўзи молиялаштириш тизимига ўтган ОТМларга давлат томонидан қатор имтиёзлар берилади. Жумладан, 2022 йилнинг 1 январига қадар тегишли норматив-ҳуқуқий ҳужжатларда кўрсатилган манбалардан қўшимча даромад олувчи, ўзини ўзи молиялаштириш тизимига ўтган давлат олий таълим муассасалари ундириб олинадиган барча турдаги солиқлардан озод этилади. Шунингдек, ОТМ билан ўзаро келишув ва қўшма дастурлар бўйича кадрлар тайёрлашни йўлга қўйган хорижий ОТМ мамлакатда амалга ошираётган таълим фаолияти доирасида барча солиқлардан озод этилади.
