APLda soatiga özgargan yetakçilar, autsayderni yuta olmagan Messisiz «Barselona», 5 ta gol ötkazib yuborgan «PSJ» – «Kuçli beşlik»da hafta yakunlari
|22:29 / 15.04.201921 48616 min
Foto: AFP/Getty ImagesFoto: AFP/Getty Images
Dam oliş kunlari Yevropaning «Kuçli beşlik» çempionatlarida navbatdagi tur öyinlari ötkazildi. Angliyada yetakçilar hamon quvlaşmaçoqni davom ettirişmoqda. La Ligada 32-tur «Barselona»ning oçko yöqotişi bilan yodda qoldi. Italiya va Fransiyada yetakçilar çempionlikni nişonlaş imkonini qöldan boy berişdi. Quyida haftaning şu va boşqa esda qolarli voqealarini eslaymiz.
Angliya
«Muşuk-siçqon» öyini davom etdi
Angliyada çempionlik uçun raqobat şunçalik qizidiki, yetakçi soatiga almaşmoqda. 34-turda «Kristal Pelas» mehmoni bölgan «Mançester Siti» 3:1 hisobida ğalaba qozondi va turnir jadvalida yetakçiga aylanib oldi. «Pelas» birinçi davrada «Siti»ni «Ittihod»da 3:2 hisobida mağlub etib, çempionlik poygasiga bevosita ta'sir qilgandi. Biroq «Liverpul» sobiq murabbiyi Roy Xojson jamoasi bu gal «Siti»ni oyoğidan çala olmadi.
34-turning marakaziy bahsida «Çelsi»ni qabul qilgan «Liverpul» esa tur öyinini «Siti»ning öyini tugaşidan 30 daqiqa ötib boşladi va ğolib böldi. Şu tariqa Klopp jamoasi oçkolar sonini 85 taga yetkazib, jadvalda yana yetakçiga aylandi.
Biroq «Liverpul» ham faqat vaqtinça yetakçiga aylandi. Çunki hozirda 83 oçko töplagan «Mançester Siti» hisobida bitta zaxira öyini bor va 25 aprel kuni Gvardiola jamoasi «Old Trafford»da «MYu» mehmoni böladi. Qoldirilgan maqomida bölgan bu öyinda amalda APL çempionligi taqdiri hal böladi.
Saloh barçani içki xotirjamlikka çorladi va «Çelsi» muxlislariga munosib javob berdi
Yuqorida «Liverpul» haftaning markaziy bahsida «Çelsi»ni qabul qilganini aytdik. Bu bahsda Muhammad Saloh qahramon böldi. U sobiq jamoasi darvozasiga fantastik gol urdi va golini «içki xotirjamlikka» çorlab nişonladi. Saloh oldingi safar «Çelsi»ga gol urib, golini nişonlamagandi. Biroq bu gal golni nişonlaşga sabab bor edi...
«Çelsi»ning Yevropa Ligasi doirasidagi «Slaviya»ga qarşi öyinida söng Pragadagi barlardan birida «Çelsi» muxlislari «Salah is a bomber» (Saloh bomba portlatuvçi, qöporuvçi) deb qöşiq kuylaşgandi... Balki Saloh ularga e'tibor ham bermagandir, lekin uning super goli «Çelsi» muxlislariga «sovğa» böldi.
Qutqaruvçi Moura
«Tottenhem» Çempionlar Ligasi çorak finalining birinçi öyinida «Mançester Siti»ni mağlub etdi, lekin öşa kuni jamoaning ikki asosiy yetakçilari Xarri Keyn hamda Dele Allilar jarohat olişdi. Biroq Keyn ötgan safar jarohat olgani kabi bu safar ham Keynsiz «Tottehem» ğalaba qozondi (oldingi safar Keyn jarohat olganda «Tottenhem» APLda uçta ğalabali seriya qayd etgandi).
Mavzuga oid
«Haddersfild»ni qabul qilgan «taqaçilar» 4:0 hisobida ğolib bölişdi va öyinda Lukas Moura het-trik qayd etdi. Poçettino allaqaçon APLni tark etib ulgurgan «Haddersfild»ga qarşi öyinda Moura-Son-Lorente uçligini hujumda öynatdi va ular işonçni oqlaşdi. Darvoqe, Keyn uçun mavsum yakunlanganini inobatga olsak, Lukas va Son keyingi öyinlarda ham ter tökişlariga töğri keladi.
«Kardiff»ning ahvoli yomonlaşdi
34-turda «Byornli» mehmoni bölgan «Kardiff» 0:2 hisobida mağlub böldi va Premer-Ligani tark etişi deyarli aniq böldi. Ayni damda uelsliklar hisobida 28 oçko bor va jamoa 18-örinda bormoqda. 17-örindagi «Brayton» hisobida 33 oçko bor va «Brayton»ning bitta zaxira öyini ham bor. Şuni inobatga olsak, Nil Uornok şogirdlari APLni tark etadigan 3-jamoaga aylanişlari ehtimolga yaqin. «Fulhem» va «Haddersfild» esa allaqaçon ligani tark etib bölgan.
Hafta raqami. Van Deyk bor – mağlubiyat yöq!
«Liverpul»dagi ikkinçi mavsumidayoq jamoa yetakçilaridan biriga aylangan Virjil Van Deyk klubning uy uçraşuvlarida ayniqsa juda foydali bölmoqda. Buni quyidagi statistikadan ham bilib oliş mumkin:
«Liverpul» Van Deykning «Enfilda»dagi dastlabki 24 ta APL doirasidagi öyinida qayt etgan statistikasi:
Ğalaba: 20 ta
Durang: 4 ta
Mağlubiyat: 0.
Töplar nisbati: 68:13.
«Quruq öyinlar»: 15 ta.
Darvoqe, «Liverpul» joriy mavsumda 18 tadan köproq «quruq öyin» ötkazgan Yevropaning ikki jamoasidan biri bölib turibdi. Ikkinçi jamoa şubhasiz «Atletiko».
Ispaniya. «No Messi – no party»
La Liganing 32-turi odatdagilaridan farq qildi, çunki bu turda muxlislar Messining fenomenal goli yoki golli uzatmasini körişmadi. Çunki u maydonga tuşmadi. «Barselona» autsayderlar qatorida borayotgan «Ueska» bilan öyinda Leoni bezovda qilgisi kelmadi. Lekin Messisiz öyin juda zerikarli ötdi va 0:0 hisobida yakunladi.
«Sevilya» medallar uçun kuraşga qaytdi
Ikkinçi örinda borayotgan «Atletiko» 32-turda «Selta»ni Grizmann va Morataning gollari evaziga mağlub etdi. Turning eng qiziqarli öyini esa «Sevilya» va «Selta» örtasida ötkazildi. «Sevilya» bu bahsda 3:2 hisobida ğalaba qozondi. «Atletik» yana bir quvnoq öyinda «Rayo Valekano»ni 3:2 hisobida yengdi.
«Sevilya» mavsum avvalida çempionlik uçun kuraşadigandek köringandi, lekin keyinçalik ketma-ket mağlubiyatlar jadvalda pastlab ketdi. «Valensiya», «Sevilya» yoki «Vilyarreal» kabi jamoalarning yetakçilar qatorida bölişiga örgangandik, lekin bu mavsumda «Xetafe» «kuçli törtlik»ga «suqilib kirdi». «Xetafe»ning «Valyadolid» bilan durang öynaganidan foydalangan «Sevilya» 4-öringa kötarilib oldi va yana medallar uçun kuraşga qaytdi.
«Suvosti kemasi» «çökişdan qutulib qoldi»
Bundan bir neça yil avval Çempionlar Ligasida muvaffaqiyatli qatnaşgan «Vilyarreal» keyinçalik La Ligada muvaffaqiyatsiz qatnaşgan va Sugundaga tuşib ketgandi. Joriy mavsumda ham «sariq suvosti kemasi» uzoq vaqtdan buyon «xavfli hudud»da öralaşib yuribdi.
32-turda «Jirona» mehmoni bölgan «Vilyarreal» oxirgi vaqtlardagi asosiy yulduzi Samyuel Çukvezening goli evaziga ğalaba qozondi va «xavfli hudud»ni tark etdi. «Real» va «Barselona»ning qiynab qöygan «Jirona» ustidan mehmonda qozonilgan ğalabaning özi yoqimli, lekin bu ğalaba jamoani «xavfli hudud»dan çiqargani undan-da yoqimli böldi.
32-turda hamşahari «Levante»ni qabul qilgan «Valensiya» 3:1 hisobida ğalaba qozondi. «Körşapalaklar»ning gollaridan biriga portugaliyalik Gonsalo Gedeş mualliflik qildi. Gedeş «Valensiya» iştirokidagi oxirgi 8 öyinda 6 ta gol urdi. U oldingi 59 öyinda ham xuddi şunça gol urgan edi.
Italiya. «Yuventus»ning çempionligi keçikdi, «Napoli» va «Inter»da işonçli ğalaba
«Yuventus» YeÇL uçun muddatidan oldin çempionlikni qurbon qildi
Italiyada 32-turning özida çempion aniq bölişi mumkin edi, biroq «Yuventus» mehmonda SPALni yenga olmadi va çempionlikni keçga surdi. «Yuventus» bu bahsda kamida 1 oçkoni qölga kiritsa, muddatidan oldin çempion bölişi mumkin edi. Ammo, Allegri zaxira tarkibni tuşirdi.
Sababi oddiy edi, turinliklarni keyingi haftada Çempionlar Ligasidan örin olgan «Ayaks»ga qarşi muhim öyin kutib turgan edi. Natijada, «Yuventus» iştiyoqi baland bölgan SPAL qarşiligini sindira olmadi. 30-daqiqada turinliklarning yoş hujumçisi Moyze Ken hisobni oçdi. Ikkinçi bölim boşlanişi bilan Kevin Bonifatssi gol urib, muvozanatni tikladi. Öyin tugaşiga 15 daqiqa qolganida Serjio Flokkari jamoasiga ğalaba keltiruvçi golni urdi.
Bu natijadan söng, «Yuventus» 84 oçko bilan peşqadam bölim turibdi. SPAL 35 oçko bilan 13-öringa çiqib oldi. «Yuventus»ni ta'qib etib kelayotgan «Napoli» bu turda ğalaba qozongaç, turinliklarning çempionlik masalasi kamida keyingi turgaça keçikadigan böldi.
Kulibali «Arsenal» bilan öyindagi xatosini dubl bidan yuvdi
«Napoli» safarda «Kevo» bilan öynadi va 3:1 hisobidagi işonçli ğalabani qölga kiritdi. Kutilmaganda senegallik himoyaçi Kalidu Kulibali özini körsatib, öyinda 2 ta gol urişga muvaffaq böldi va qahramonga aylandi. Futbolçi 15 va 81-daqiqalarda «Kevo» darvozabonini doğda qoldirdi. Kulibali «Arsenal»ga qarşi keçgan Yevropa Ligasi öyinida öz darvozasiga gol urib qöygandi. «Kevo»ga qarşi öyindagi dubli bilan markaziy himoyaçi öz xatosini yuvdi.
64-daqiqada esa hujumçi Arkadiuş Milik raqib darvozasini işğol qildi. «Kevo» sönggi daqiqalarda Tsesarning goli bilan javob qaytardi.
Bu natijadan söng, «Napoli» 67 oçko bilan 2-örinda bormoqda. «Kevo» esa 11 oçko bilan sönggi örinda qoldi va A Seriyani muddatidan oldin tark etdi.
«Inter» safarda muhim uç oçkoni qölga kiritdi
«Inter» safarda autsayderlardan biri «Frozinone» bilan öynadi. Çempionlar Ligasi yöllanmasi uçun kuraşayotgan «neradzurrilar» uçun bu öyindagi uç oçko juda zarur edi.
Jamoa öyinga jiddiy tayyorgarlik körib, raqibi ustidan 3:1 hisobidagi işonçli ğalabani qölga kiritdi. Birinçi bölimda Raja Nainggolan jarima maydoni içida kuçli zarba yöllab, hisobni oçdi. 37-daqiqada Ivan Perişiç penaltini aniq amalga oşirib, gollardagi farqni oşirdi. Ikkinçi bölimda Françesko Kassata hisobni qisqartirgan edi. Ammo sönggi daqiqalarda Matias Vesino uçinçi golni urişga muvaffaq böldi.
«Milan» janjalli öyinda «Latsio»ni yengdi
Turning markaziy öyini «San-Siro»da ötkazildi. Maydonga Çempionlar Ligasi yöllanmasi uçun kuraşayotgan «Milan» va «Latsio» klublari töqnaş kelişdi. Öyin murosasiz kuraşlarga, ehtiroslarga boy tarzda ötdi. Mezbonlar töpni nazorat qilişda ustunlikka ega bölişdi. Mehmonlarning qarşi hujumlari esa xavfliroq böldi. Har ikkala jamoa avvalo öz darvozasi daxlsizligi haqida boş qotirişdi.
79-daqiqada bellaşuv taqdirini hal qilgan gol urildi. «Latsio» himoyaçisi raqibiga nisbatan öz jarima maydonida qöpol öynadi. Kessie belgilangan penaltini aniq amalga oşirib, jamoasiga ğalaba keltirdi. Öyin oxirida har ikki jamoa futbolçilari muştlaşişga ham ulgurişdi. Bu natijadan söng, «Milan» 55 oçko bilan 4-öringa çiqib oldi. «Latsio» 49 oçko bilan 8-örinni egallab turibdi. Ayni paytda Çempionlar Ligasi yöllanmasi uçun «Roma», «Atalanta», «Torino» va «Sampdoriya» klublari ham da'vogarlik qilmoqda.
Bir öyinda uçta qizil kartoçka
«Torino» hamda «Kalyari» jamoalari örtasidagi öyinda 1:1 hisobi qayd etildi. Bu öyinda gollar sonidan qizil kartoçkalar soni köproq böldi. «Torino»dan yagona gol muallifi Simone Dzadza, «Kalyari»dan esa Niko Pellegrini hamda Nikolo Barella maydondan çetlatildi.
Fransiya. «PSJ» 5 ta gol qöyib yubordi
Fransiyada ham 32-turdayoq çempion nomi aniq bölişi mumkin edi, lekin «PSJ» bu imkoniyatdan foydalana olmadi. Ikkinçi örindagi «Lill» mehmoni bölgan «PSJ» 1:5 hisobida mağlub böldi. Parijliklar bu bahsda asosiy tarkib futbolçilari bilan öynaşgandi, lekin bu yirik hisobdagi mağlubiyatdan suğurta böla olmadi.
Şu tariqa «Lill» oçkolari sonini 64 taga yetkazib ikkinçi öringa mustahkam joylaşib oldi. «PSJ» esa 81 oçko bilan hamon yetakçilik qilmoqda. 3-örindagi «Lion» bu turda «Nant» mehmoni bölib mağlubiyatga uçradi – 1:2. «Monako» esa «Reyms» bilan 0:0 öynab «xavfli hudud»dan yanada uzoqlaşiş imkonidan foydalana olmadi.
Turning eng quvnoq öyini «Strasburg» hamda «Gengam» jamoalari örtasida ötkazildi. 3:3 hisobida yakunlangan öyinda Lillian Tyuramning öğli Markus ham gol urdi. «Kuçli törtlik»ning oxirgi vakili «Sent-Eten» bu turda «Bordo»ni 3:0 hisobida yengdi. Matyo Debyuşi ikkita gol urdi.
Bundesligada hali çempionat yakunlanişiga biroz vaqt bor. Dam oliş kunlari 29-tur öyinlari ötkazildi. «Bavariya» kutilganidek mehmonda «Fortuna»ni mağlub etdi – 4:1. Kovaçning yangilanayotgan jamoasi bu öyinda muammoga duç kelmadi. Koman, Goretska va Gnabrining gollari evaziga zafar quçib, yetakçilikni saqlab qoldi. Turning eng şiddatli öyini esa «Signal Iduna Park»da ötkazildi. «Mayns»ni qabul qilgan «Borussiya D» Jyeydon Sançoning ikkita goli evaziga 2:1 hisobida ğalaba qozondi va çempionlik intrigasini saqlab qoldi.
32-turda «Herta»ni qabul qilgan «Hoffenxaym» 2:0 hisobida ğalaba qozondi. Bu öyinda Nagelssman şogirdlari 30 marta darvoza tomon zarba yöllaşgani diqqatga sazovor. 4-örinda borayotgan «Ayntraxt» bu turda autsadler «Augsburg» mehmoni böldi va kutilmaganda 1:3 hisobida mağlub böldi. Öyinning 47-daqiqasida «Ayntraxt» futbolçisi Jyelson Fernandeş maydondan çetlatildi va bu frankfurtliklarning mavsum davomidagi 6-qizil kartoçkasi böldi. Bu borada «Ayntraxt» yetakçilik qilmoqda.
Central Asia International Hardware Expo - Markaziy Osiyo quriliş asboblari, uskunalari va mahkamlaş buyumlari bozoriga töğridan-töğri çiqiş imkoniyati
Özbekiston volframi xalqaro eʼtirofga sazovor böldi
Puçon va KT&G Yaşil taşabbusni boşlamoqda
Laboratoriya sokinligining ham harorati bor: Özbekiston uçun Smolensk uskunalari
Uztelecom tarmoği modernizatsiyasi: yölning 90 foizi ortda qoldi. Oldinda yana qanday işlar bor?
Pauzasiz endoskopiya: muolaja xonasi eşigi ortida nimalar sodir böladi?
Yiliga 25 mingdan ortiq yangi uskuna: Özbekistonda $50 mln investitsiya hisobidan “NURA Electric” elektrotexnika majmuasi işga tuşirildi
Central Asia International Hardware Expo - Markaziy Osiyo quriliş asboblari, uskunalari va mahkamlaş buyumlari bozoriga töğridan-töğri çiqiş imkoniyati
Özbekiston volframi xalqaro eʼtirofga sazovor böldi
Puçon va KT&G Yaşil taşabbusni boşlamoqda
Laboratoriya sokinligining ham harorati bor: Özbekiston uçun Smolensk uskunalari
Uztelecom tarmoği modernizatsiyasi: yölning 90 foizi ortda qoldi. Oldinda yana qanday işlar bor?
Pauzasiz endoskopiya: muolaja xonasi eşigi ortida nimalar sodir böladi?
Yiliga 25 mingdan ortiq yangi uskuna: Özbekistonda $50 mln investitsiya hisobidan “NURA Electric” elektrotexnika majmuasi işga tuşirildi
