Avval xabar berilganidek, joriy yilning 29 aprel kuni soat 02:00larda O‘rta Chirchiq tumani hududidan o‘tuvchi 4R20 avtomobil yo‘lining 6-km.da Buxoro shahridan ziyoratdan qaytayotgan, salonida 53 nafar yo‘lovchisi bo‘lgan «Mersedes» rusumli avtobusning baloni yorilib ketgan.
Buning oqibatida haydovchi boshqaruvni yo‘qotib, beton to‘siqqa borib urilib ag‘darilib ketgan. Natijada, avtobus yonishni boshlagan. Yo‘lovchilar avtobusdan zudlik bilan evakuatsiya qilingan.
FVV tomonidan berilgan qo‘shimcha ma'lumotlarga asosan, 2 nafar fuqaro O‘rta Chirchiq tumani shifoxonasida tibbiy ko‘rikdan o‘tkazilgan. Ularning salomatligiga jiddiy zarar yetmagani bois uyiga javob berilgan.
Hozirgi vaqtda, Respublika tez tibbiy yordam ilmiy markazida 5 nafar fuqaro shifokorlar nazorati ostida.
Ularga barcha zarur bo‘lgan choralar ko‘rilmoqda, deyiladi xabarda.
