O‘rta Chirchiqda ichida o‘quvchilar bo‘lgan avtobus YTHga uchrab, yonib ketdi. Ular Buxorodan qaytayotgan bo‘lgan

2019 yil 29 aprel kuni soat 02:00larda O‘rta Chirchiq tumani hududidan o‘tuvchi 4R20 avtomobil yo‘lining 6-km.da Buxoro shahridan ziyoratdan qaytayotgan, salonida 53 nafar yo‘lovchisi bo‘lgan «Mersedes» rusumli avtobusning baloni yorilib ketgan.

FVV xabariga ko‘ra, avtobus boshqaruvni yo‘qotib, beton to‘siqqa borib urilib yonboshlagan va yonishni boshlagan, yo‘lovchilar zudlik bilan evakuatsiya qilingan.

Barcha yo‘lovchilar tibbiy ko‘rikdan o‘tkazilgan, 7 nafar yo‘lovchi turli darajada tan jarohati bilan 2 nafari O‘rta Chirchiq tumani shifoxonasiga 5 nafari O‘zbekiston Respublikasi tez tibbiy yordam ilmiy markaziga joylashtirilgan.

Ushbu avtobusda Toshkent viloyati Parkent tumani 31-umumiy o‘rta ta'lim maktabining 37 nafar o‘quvchisi, 3 nafar o‘qituvchisi, 10 nafar ota-onalar hamda 3 nafar haydovchi bo‘lgan.