AQSh Madurodan Venesuelani tark etishni talab qilmoqda

AQSh Venesuela prezidenti Nikolas Maduro mamlakat hududini tark etishini talab qilmoqda. Bu haqda 30 aprelda CNN telekompaniyasiga intervyuda AQSh davlat kotibi Maykl Pompeo aytib o‘tdi.

Pompeodan hozir Maduroga qanday murojaat yo‘llagan bo‘lishi haqida so‘ralganda, “Samolyotni ishga tushiring”, deb javob qilgan u. U bir necha marta Maduro Venesuelani “tark etishi vaqti kelganini” aytgan.

“Uning uchun Venesuelani tark etish vaqti keldi. Demokratiya va erkinlikni qo‘llab-quvvatlashga tayyorlar uchun hokimiyatni topshirish o‘tish jarayonining tarkibiy qismi bo‘lishga va mintaqadagi barcha davlatlar bilan hamkorlikni boshlashga yaxshilab tayyorlanish lozim”, deb aytgan Pompeo.

AQSh davlat kotibining aytishicha, agar Maduro Venesuelani tark etishdan bosh torsa, Vashington unga va uning atrofiga bosimni kuchaytiradi. 

Pompeo Maduro mamlakatni tark etishni istamasa nima bo‘lishi haqidagi savolga “U va uni qo‘llab-quvvatlayotganlar uchun sarflar oshaveradi. Afsuski, men u bu borada tashvishlanayotganiga ishonchim komil emas. U tashvishlanayotganiga umid va duo qilaman”, deb javob qilgan AQSh davlat kotibi. 

“Biz Venesuela xalqiga nisbatan zo‘ravonlik qo‘llayotgan va zo‘ravonliklar amalga oshirayotganlarni javobgarlikka tortamiz”, deb qo‘shimcha qilgan Pompeo.

Ayni vaqtda Venesuelada poytaxt Karakas va boshqa shaharlarda hukumatga qarshi aksiyalar o‘tmoqda.