Agarda zaruriyat tug‘ilsa, AQSh Venesuelada harbiy operatsiya o‘tkazishi mumkin. Bu haqda AQSh davlat kotibi Maykl Pompeo Fox Business telekanaliga bergan intervyusida ma'lum qildi.
"Prezident mutlaqo aniq va izchil belgilab berdi: harbiy harakatlar bo‘lishi mumkin. Agarda zarur bo‘lsa, AQSh buni amalga oshiradi", - dedi u.
"Biz Maduro ketishi va yangi saylovlar o‘tkazilishi mumkin bo‘lgan hukumatning tinchlik bilan topshirilishini afzal ko‘ramiz", - deb qo‘shib qo‘ydi u.
Seshanba kuni Karakas va Venesuelaning boshqa shaharlarida hukumatga qarshi namoyishlar bo‘lib o‘tdi.
