Tramp Venesuelada kelasi haftada "ko‘p narsa yuz berishi"ni aytdi

AQSh prezidenti Donald Tramp Venesuelada kelasi haftada yoki undan ham avvalroq ko‘p narsa yuz berishini aytdi, deb yozadi TASS.

Xabar qilinishicha, Trampdan Fox Business telekanali efirida Venesueladagi vaziyatni izohlashni so‘rashdi.

"Bu shunchaki dahshatli vaziyat. Biz barcha variantlarni ko‘rib chiqyapmiz. Biz odamlarga yordam berishni xohlaymiz. Kelasi haftada, balki undan ham avvvalroq ko‘p narsa yuz berishi mumkin", - degan AQSh prezidenti.

Seshanba kuni Venesuelaning Karakas va boshqa shaharlarida hukumatga qarshi namoyishlar bo‘lib o‘tdi. Chakao munitsipaliteti sog‘liqni saqlash boshqarmasi boshlig‘i Maxiya Santining so‘zlariga ko‘ra, Venesuela poytaxtida namoyishlar chog‘idagi to‘qnashuvlar oqibatida kamida 50 kishi jarohatlangan.