APL. "Liverpul" 86-daqiqada urilgan gol evaziga g‘alaba qozonib, so‘nggi tur arafasida peshqadamga aylandi

Angliya chempionati 37-turidan o‘rin olgan navbatdagi o‘yin o‘tkazildi. 

"Nyukasl" maydoniga safar qilgan "Liverpul" irodali g‘alabani qo‘lga kiritdi – 2:3.

Maydon egalari safida Atsu hamda Rondon 1tadan gol urgan bo‘lsa, mehmonlar safida van Deyk Saloh hamda Origi o‘z hisobiga 1tadan gol yozib qo‘ydi. 

Shu tariqa, ochkolari sonini 94 taga yetgan "Liverpul" 92 ochko to‘plagan "Manchester Siti"ni ortda qoldirib, so‘nggi tur arafasida peshqadamga aylanib oldi. 

"Nyukasl" esa 42 ochko bilan 14-o‘rinni egallab turibdi. 

Nyukasl – Liverpul 2:3 (1:2, 1:1)

Gollar: 0:1 – 13 van Deyk, 1:1 – 20 Atsu, 1:2 – 28 Salax, 2:2 – 54 Rondon, 2:3 – 86 Origi.
Nyukasl – Dubravka, Lassels, Dammett, Mankilo, Sher (Muto, 90), Xeyden, Ritchi, Ki Son Yen, Atsu, Rondon, Peres.
Liverpul – Alisson, Aleksander-Arnold, van Deyk, Lovren (Milner, 83), Roberson, Fabino, Veynaldum (Shakiri, 66), Xenderson, Mane, Saloh (Origi, 73), Starrij.
Ogohlantirishlar: Sher (45), Milner (90).