8562.34 USD +26.60

9731.96 EUR +165.96

135.34 RUB +2.77

10908.4 GBP +161.92

09:00 / 06.05.2019 13388

Ўпка саратонини даволашда янги давр

Онкологик касалликларнинг энг кўп тарқалган турига мансуб ўпка саратонини даволаш услублари мунтазам равишда мукаммаллашмоқда. Радиацион онкология соҳасидаги сўнгги ишланмалар хатарли ўсимталар билан курашишда ўзининг юқори самарадорлигини кўрсатмоқда.

Эрта қўйилган ташхис жуда катта аҳамиятга эга: ташхис аввалроқ белгиланиб, муолажа қанча тез бошланса, касалликни мутлақ енгиш учун имконият шунча ортади. Ўпка саратонини даволаш жарроҳлик амалиёти, кимётерапияси ва нурланиш терапияси орқали амалга оширилади.

Ўпка саратони икки асосий турга бўлинади:

  • Кичик ҳужайрали ўпка саратони;
  • Кичик бўлмаган ҳужайрали.

Кичик бўлмаган ҳужайрали саратон бошқа тана аъзоларига тарқалишга мойил бўлиб, ўсимта жойлашуви маҳаллий бўлганда уни тизимли даволаш ижобий натижа беради. Янги шаклланган ўсимтага қарши курашиш учун жарроҳлик ҳамда нурланиш терапияси қўлланилади.

ACIBADEM Altunizade клиникасининг радиацион онкологи, профессор Мехмет Уфуқ Абажиўғли таъкидлашича, нурланиш терапияси эрта босқичларда анчайин самаралидир. Сабаби, ўсимта ҳажми кичик бўлганлиги учун лимфа тугунлари ва бошқа органларга тарқамаган бўлади. Бундай вазиятда жарроҳликни қўллаб ёки стереотаксик нурланиш терапиясини амалга ошириш мумкин. Бироқ, аниқ бир даволаш услубини танлаш ҳар бир беморнинг индивидуал ҳолатига боғлиқдир.

Радиотерапиядаги янги ёндошувлар

Саратонни даволашга оид янги қўлланмалар доимий тарзда пайдо бўлади. Радиацион онкология соҳасидаги сўнгги инновацион янгиликлар – бу касалликнинг дастлабки босқичида радиациянинг юқори дозаларини қўллаш ва кам миқдордаги ён таъсирлар билан ажойиб натижани олишга имкониятдир.

Профессор Абажиўғли 3 см (касалликнинг 1- ёки 2-босқичларида метастазлар мавжуд бўлмайди) ўлчамдаги янги шаклланган хатарли ўпка саратонини даволаш усули  ҳақида гапириб ўтди. Бундай ҳолатда ўпканинг бир қисми олиб ташланади. Агар беморга операция қилиш  бошқа мавжуд касалликлар ёки наркоздан фойдаланиш хавфи туфайли ман этилган бўлса, радиацион терапия қўлланилади. Одатда учтадан саккизтагача бўлган сеанслар тайинланади. Бундай даволаниш билан ўсимтанинг бутунлай йўқ бўлиши ва унинг ўсиш жараёни тўхташига 90 фоиз кафолат берилади.

Стереотаксик радиация терапияси усули жарроҳлик қилмай туриб, ўсимтани бутунлай олиб ташлаш ва шу билан бирга, соғлом тўқимага зарар етказмасликка ёрдам беради. Бугунга қадар мавжуд бўлган технологиялар дозаларни чеклаган ҳолда атрофдаги тўқималарнинг зарарланишига сабаб бўлар эди. Кўплаб беморларнинг ўпкасига сезиларли даражада зиён етган – тана аъзолари радиация таъсирга жуда ҳам сезгир бўлиб қолади. Шунингдек, қизилўнгач, юрак, артерия, кўкрак девори ва умуртқа мушаклари ҳам зарарланади. Танани стереотаксик радиация терапияси мақсадга мувофиқ даволаниш имконини беради. Юқори дозалар бошқа аъзоларга хавф туғдирмасдан аниқ чегараланган ҳудудга таъсир кўрсатади.

Яқингача радиотерапия билан даволаниш беморлар учун жуда ҳам оғриқли кечар эди: нафас қисилиши, қуруқ йўтал кузатиларди. Ўпка тўқималарига зарар етиши туфайли даволашнинг илк ёки охирги босқичларида ҳарорат ортар эди. Янги усулни қўллаш натижасида ён таъсирлар сезиларли даражада камайди. Масалан, қизилўнгач яқинида жойлашга ўсимтали беморлар радиотерапиянинг ҳар бир сеансидан кейин ютишга қийналишган бўлса, эндиликда бундай муаммо жуда кам учрайди. Янги усулдан фойдаланилганда шифокор экранда пайдо бўлган тасвирни бошқариб туради, бу эса аниқлик билан миллиметргача нурни мақсадга тўғри йўналтиришга имкон беради. 

Профессор Абажиўғли қайд этишича, нурнинг таъсир этиш тезлиги жуда ҳам юқори бўлиб, сеанснинг умумий давомийлиги анчайин қисқарди. Агар авваллари беморнинг салгина қимирлашидан кейин тасвирни янгилиш зарур бўлиб, сеанс 15 дан 60 дақиқагача чўзилган бўлса, ҳозир даволанишга беморни муолажага тайёрлаш учун кетадиган вақтни қўшганда 10-15 дақиқадан кўп вақт кетмайди.

Саратоннинг сўнгги босқичларида даволаш учун нурланиш терапиясига кимётерапияси ҳам қўшилади. Бундай вазиятда тўлиқ аниқланган радиация дозаси билан ўсимта даволанувчи интенсив модуляцияли нурланиш терапияси қўлланилади. Даволашни бошлашдан аввал атрофдаги соғлом тўқималарга зиён етказмаслик учун аниқ жойлашув, шаклланиш чегараларини белгиловчи диагностика ўтказилади.

Муолажани ўтказиш давомида қурилма бемор атрофида 360 ёки 180 даража айланади, нур йўналишлари назорат қилинади, соғлом тўқима аниқланганда нурланиш тўхтатилади. Профессор Абажиўғли бундай даволашда ён таъсирлар деярли кузатилмайди ва бир вақтнинг ўзида кимётерапиясидан фойдаланиш учун интервал қилмасликка ёрдам беришини айтиб ўтди.  

Стереотаксик радиация терапияси метазтазли ўпка саратони, шунингдек, онкологиянинг бошқа турларини ҳам даволашда тавсия этилади. Авваллари метазтазлар тизимли даволашга халақит бериб, уни бошлашдан аввал жарроҳлик амалиёти – ўсимтани олиб ташлаш талаб этилган. Баъзида беморлар ўпка қисмини олиб ташлагунга қадар биргина эмас, бир неча операцияларни ўтказишга тўғри келган.

Бизга метазтазлар ривожланаётган ва катта қатламга тарқалган беморлар мурожаат этишади. Бу усул уларни назорат остига олиб, радиацияни фақатгина шикастланган ҳужайраларга қўллашга имкон беради. Бироқ метазтазлар сони чегараланган ва уларнинг ҳажми фавқулодда ҳолатга келмаган бўлсагина ижобий натижага эришиш мумкин.

Профессор Мехмет Уфуқ Абажиўғли таъкидлашича, ҳозирда саратон билан курашишда жиддий муваффақиятларга, ўпкага бутунлай тегмаган ҳолда, нурланишни фақатгина белгиланган қисмларгагина қўллаш орқали эришиш мумкин. Даволаш ҳаттоки, радиацион нурланишга чидамли ҳисобланувчи суяк саркомасига ҳам қўлланилади – чекланган жойларда юқори дозалардан фойдаланилади.

Ва бу ACIBADEM клиникаси тармоғида замонавий ва янги технологиялардан фойдаланувчи малакали мутахассис қўлларида метазтазли ўсимталардан ҳам шифо топишга ишонч беради.

Манзил: Тошкент шаҳри, Мирзо Улуғбек тумани, Буюк Ипак йўли мавзеси, 19 уй.

Мурожаат учун телефон: (+99895) 144 54 45

Шунингдек, расмий сайт орқали барча керакли маълумотларга эга бўлишингиз мумкин: www.acibadem.com.ru

Реклама ҳуқуқи асосида

Теглар

Top