BAAda neft tankerlaridagi portlashlar qo‘poruvchilik deb tan olindi

BAA tashqi ishlar vazirligining ma'lum qilishicha, davlatning iqtisodiy hududidagi bir nechta neft tankeridagi portlash oqibatida jabrlanganlar va qurbonlar yo‘q, “yonilg‘i yoki biror-bir zararli substansiyalar sizib chiqishi qayd qilinmagan”.

“Turli davlatlarga tegishli 4 ta savdo kemasi BAA suv hududida, Fujayra amirligi yaqinida vandallik harakatlariga uchradi”, deyilgan xabarda.

Ma'lum qilinishicha, voqea sodir etilgan Fujayra amirligi porti odatdagi tartibda faoliyat ko‘rsatmoqda. 

BAAning VAM axborot agentligining xabar berishicha, hukumat voqea yuzasidan barcha zaruriy choralarni ko‘rgan va ayni vaqtda mahalliy va xorijiy tuzilmalar bilan hamkorlikda voqea tergovini olib bormoqda. 

BAA tashqi ishlar vazirligi xalqaro hamjamiyatni “kemalar ekipajlari a'zolari hayotini xavf ostiga qo‘yuvchi bunday qo‘poruvchilik harakatlari orqali dengiz qatnovi xavfsizligiga putur yetkazishga urinishlarning oldini olish bo‘yicha majburiyatni o‘z zimmasiga olishga” chaqirgan.

Livanning Al Mayadin telekanali 12 may kuni ertalab Fujayra portida bir nechta portlash sodir bo‘lgani, 7 tadan 10 tagacha kema alanga ichida qolganini ma'lum qilgan. Keyinroq BAA bu ma'lumotni rad etgan.

Shu kuniyoq Eronning Islom inqilobi soqchilari korpusi brigada generali Vashington  Tehronga qarshi kuch ishlatgudek bo‘lsa, AQShning “boshiga zarba berish” bilan tahdid qilgan.