Surgut aeroportidan Tojikistonning Xo‘jand shahriga yo‘l olgan samolyot ortiga qaytdi, deb xabar berdi RIA Novosti.
Samolyot Toshkent vaqti bilan 18:50da havoga ko‘tarilgan. U uch soat davomida shahar ustida parvoz qilgan va yana aeroportga qo‘ngan.
Flightradar ma'lumotlariga ko‘ra, mazkur Boeing 737-524 samolyoti "YuTeyr" aviakompaniyasiga tegishli.
Hozircha samolyot parvozi nima uchun qoldirilgani ma'lum qilinmagan.
