MDH davlatlari 2025 yilga qadar harbiy hamkorlikni rivojlantirish rejasini ma'qulladi

Anapada bo‘lib o‘tgan yig‘ilishda MDH davlatlari mudofaa vazirlari harbiy hamkorlikni rivojlantirish rejasini ma'qullashdi, deb ma'lum qildi Rossiya mudofaa vaziri Sergey Shoygu.

Uning so‘zlariga ko‘ra, "2025 yilga qadar harbiy hamkorlikni rivojlantirish asoslari ma'qullandi, hamkorlikning asosiy yo‘nalishlari qo‘llab-quvvatlandi".

"Yig‘ilish qatnashchilari qo‘shma harbiy tizimlarni rivojlantirish sohasidagi hamkorlikni kuchaytirish borasida fikr bildirishdi. Havo hujumidan mudofaa, aviatsiya parvozlari xavfsizligi, topografik ta'minot, harbiy kadrlarni tayyorlash masalalari bo‘yicha amaliy hamkorlik qilish ma'qullandi", - dedi Shoygu.

Uning bildirishicha, havo hujumidan mudofaa birlashgan tizimi qo‘shinlari ishtirokida qo‘shma o‘quv mashg‘ulotlari o‘tkazish hamda Ikkinchi jahon urushida qozonilgan g‘alabaning 75 yilligi munosabati bilan uchinchi harbiy-sport o‘yinlarini o‘tkazish to‘g‘risida qaror qabul qilindi.