AQSh Maduroning o‘g‘liga qarshi sanksiyalar joriy qildi

AQSh Venesuela milliy ta'sis yig‘ini a'zosi, prezident Nikolas Maduroning o‘g‘li Nikolas Ernesto Maduro Gerrani sanksiyalar ro‘yxatiga kiritdi. Bu haqda AQSh moliya vazirligi xabar qildi.  

“Maduro Gerra tashviqot uchun sa'y-harakatlar amalga oshirgan va senzura qo‘llagan, Nikolas Maduro va uning rafiqasi Siliya Flores bilan birga konlardan daromad olgan. Joriy yil boshida Maduro Gerra mamlakatga gumanitar yordam yetkazilishini Venesueladagi demokratiyaga putur yetkazish deb ta'riflab, Venesuela milliy qurolli kuchlariga uni rad etishi uchun bosim o‘tkazgan”, deyilgan xabarda.

AQSh moliya vazirligining ta'kidlashicha, Maduroning o‘g‘li konlarni o‘zlashtirishdan noqonuniy daromad olgan.