Yevropada jahondagi birinchi harbiy internet yaratiladi

Foto: AR

Germaniya va Niderlandiya mudofaa vazirlari jahondagi birinchi harbiy internetni yaratish to‘g‘risida shartnoma imzoladi. Bu haqda ZDNet xabar bermoqda.

Mazkur loyiha Tactical Edge Networking (TEN) deb nomlanadi. U kelgusida NATOning boshqa harbiy tarmoqlarini birlashtirish uchun prototip bo‘ladi.

TEN bosh qarorgohi Germaniyaning Koblens shahrida, dizayn markazi esa Niderlandiyaning Amersfort shahrida joylashadi. Birinchi bosqichda TEN yordamida Germaniya yerusti qo‘shinlari va Niderlandiya mudofaa vazirligining FOXTROT kommunikatsion dasturi o‘rtasida aloqa o‘rnatiladi.

TEN ikki davlatga bir necha million yevroga tushadi.